حكاية شارع بهجت

اسكن فى مصر الجديدة فى شارع اسمه بهجت مين بهجت ده ؟ معرفش
طب بهجت ايه ؟ هو كده بس هرشت دماغى هل قام بدور فعال فى مسيرة نضالنا الوطنى ؟ طيب هل كان له دور سياسى او اجتماعى برضه لأ ذهبت للسيد اللواء اركان حرب المدير العام الباشا رئيس الحى فلم اجد عنده اجابة شافية الى ان قابلت عم دومة سمسار عقارات عجوز فى المنطقة سرح قليلا ثم قال شوف عم بهجت الله يبشبش الطوبة اللى تحت نافوخه كان اشرف تجار الصنف فى ايام ما كانت المنطفة صحرا و جبل و كانت الطيارات ام اجنحة ريش تنزل مطار الماظة الله يرحمه عمره ما غش كانت حتة الحشيش الغبارة تزيت ايدك ملفوفة فى سلوفان اكسرا و مين زباينه يا بيه ضباط و دكاترة و زعما
والان لا املك الا ان اتوجه بالشكر للسيد رئيس الحى الذى كرم روح المناضل الكبير بهجت و اطلق اسمه على شارعنا