حمام الهنا

وزير الاقتصاد يعكف الآن لدراسة حل مشاكل تجار اللوف فى مصر بعد ان تقدموا بمذكرة لوقف تصدير اللوف للخارج نظرآ لاشتداد الطلب عليه فنحن فى موسم حموم بمناسبة الفالنتين و لاحتياج السوق الداخلى لكميات كبيرة نظرآ لارتفاع معدلات الجلخ

رغبات مكبوتة

فى دراسة قام بها المركز القومى للبحوث الجنائية و الاجتماعية حول محاولات الرجال المسنين قتل زوجاتهم المسنات و ذلك قال ايه لأن السيدات المسنات بيرفضوا تلبية رغبات ازواجهم لكن اتضح فى النهاية حسن نية الزوج فكل ما كان مطلوب من زوجته هو انها تطرقع له صوابع رجليه

معاناة الفنانين

فى احدى السنوات عقدت احدى كليات الطب ندوة عن البلهارسيا التى اصابت عبد الحليم واثارها عليه ونطالب كليات الطب بالكف عن هذه الندوات و الا ستصبح موضة و هوجة وتعقد ندوات عن الانفلونزا و مخاوف عبد الوهاب و اللحمية عند ايهاب توفيق و الخنفان عند محمد محيى و عرق النسا عند سمير صبرى و آلام المؤخرة عند روبى و التهاب البواسير المزمن عند مايكل جاكسون

كلهم حنية

فى بادرة طيبة لمطربات النفخ هيفا و مروة و نجلا و دومينيك و كل المتظبطين على 48 ضغط جوى ذهبن للتبرع بالدم لصالح مصابى العمليات فى غزة لكن اكتشف الاطباء ان ما سحب منهم ليس دمآ بل سيليكون عالى الكثافة

اللى معهوش مايلزموش

حكومتنا ماشية معانا بنظام اللى معهوش ما يلزموش معاكم فلوس حتتعلموا و تتعينوا و تتعالجوا كمان مامعكوش ربنا يتولاكم برحمته بقى و لا انتوا كفرة ؟ ساعات والله الشعب بيفكرنى بالمفتش العالمى كورومبو وهو بيتهرى على قفاه من الحكومة و بيسأل مين اللى بيضربنى على قفايا احمدو نظيفو اللى لاوى طوله ولا شنكليح بتاع المراجيح ولا عسلية البقال و لا الست عدلية المغسلاتية ؟