تخاريف و خزعبلات مصرية
نفسى اعرف مين الجهة اللى بتطلع الاشاعات وقت الازمات . مرة يقولك الشجرة المبروكة اللى بتنزل لبن يشفى التهاب الكبد الوبائى و مرة البنت اللى كانت لابسة عريان و اتسخطت ضفدعة و الست السحلية اللى بتطلع ليلاتى فى شارع مدكور فى بولاق الدكرور و لا العمارة اللى فى فيصل اللى بتسجد ساعة اذان الضهر يا سلام و السكان ما يتكربسوش فوق بعض و لا الطرحة البيضا اللى لقوها بتصلى لوحدها فى زاوية فى الشرابية . هل اصبحت عقولنا مفتوحة على كل ما لا يعقل و لا يصدق ولا ده دليل ان الحشيش اللى فى السوق مغشوش و بوظ عقولنا ؟ المهم خد نفس و مساء الخياللللللللللللللللللللللللللللل
No comments:
Post a Comment