صوابع صوابع صوابع
اولآ صوباع الخير
اروح المدرسة الصبح الآقى المدرس بيطلب منى صباع طباشير و اذا اتأخرت عليه يضربنى على صوابعى ارجع الضهر الآقى امى بتسألنى اجيبلك يا منيل صباع كفته و لا صباع كرنب ولا صباع ورق عنب و لا صباع محشى اخلص غدا تدينى صباع موز و اختى فى الاوضة التانية هارية شفايفها بصباع روج و ابويا يقوللى حاسب من صوابع النشالين ييجى الصيف يلبسونى صندل بصباع اعمل فيش و تشبيه يبصموا صوابعى انتخب الريس يحطوا صباعى فى الفوسفورى ابويا يشترى حاجة سكة و منيلة يرفع صباعه بعلامة الجودة انجح يرفع صوابعه بعلامة النصر اتفرج على ماتش الحكم يطرد ابراهيم سعيد يبعت للجمهور صباعه. العيال فى الشارع بيعملوا حاجات ابيحة بصباعهم بالليل ابويا يقرا لاخويا الصغير حكاية عقلة الصباع وامى تكون محضرالنا صوابع زينب و الله اعلم ان كانت زينب غاسلة رجليها و لا لأ
كفاية كده و تصبعوا على خير
No comments:
Post a Comment