حبيبى يا مزيت
غريبه و الله
تخيلى عريس فيفي طلع عنده فيلا فى مارينا و عربيه هامر و قزازتين زيت
بلغة شباب اليوم
الواد كوكو ده اخر روشنه لابس قميص ياقته مزيته اخر حاجه
مدونة العقلاء
احصائيه
80% من الشعب المصرى مالوش خلق للقرايه
امال مهرجان القراءه للجميع لمين؟
افلام
زمان : يوم من عمرى........... ايامنا الحلوه
اليوم: اوعى وشك...........حوش اللى وقع منك
غدآ : هتشوفى يوم يا بنت الدايخه.........امك اسمها حنفى
حوادث
اصيب طفل بأحد الاحياء العشوائيه بتسمم حاد و ذلك نتيجة شربه
كوب من الماء النقى
موظفة من مدينة السلام لديها 3 بنات و نظرا للزحام الشديد على مخابز العيش بالمنطقة اعتادت كل يوم سبت يوم اجازة ابنتها بأ صطحابها معها لاحد الافران و يشترين ب 2 جنيه عيش 40 رغيف لسد احتياجهم لمدة اسبوع
الاسبوع الماضى بعد شراء العيش و تهويته ووضعه فى شنط بلاستيك اذ بشاب غلى موتوسيكل يأتى بسرعة من خلفهما و يخطف شنطة العيش و يختفى فى لمح البصر
عزيزى خللى بالك من رغيفك
اخيرآ حسمت نتيجة المحليات لصالح الوطنى بنسبة 97,88 و الى كل المشككين و المغرضين مفيش نزاهة و شفافية اكتر من كدة فى عهود التزوير كانت النتائج دائما 99,999
مطلوب من اساتذة اللغة العربية الاجلاء تفسير هذه العبارة التى وردت بأحدى الصحف القومية عن نتائج المحليات
اقبال جماهيرى ضعيف لكنه كثيف
ضبطت مباحث الجيزة عصابة مكونة من جزار و صاحب متجر اعتادا جمع و شراء الحمير النافقة و سلخها و فرمها و بيعها للمواطنين فى الجيزة
البيع يتم لمحلات بيع الشاورمة و الكيلو ب 5 جنيه
و الله يا جماعة الشعب ده ها ينهق كله قريب جدآ
و الله الموفق
اغلب الظن ان د نظيف لن يستطيع الوفاء بوعده بأنتهاء طوابير العيش فى نهاية شهر ابريل
و الجدير بالذكر انه لم يحدد سنة كام
و ذكرت مصادر مطلعة ان الطوابير ستنتهى فى نهاية ابريل 2060 فى عهد وليد محمد طارق احمد نظيف